Social Icons

FLORA BIDHAA 3

FLORA BIDHAA 3

FRORA BIDHAA 4

FRORA BIDHAA 4

FLORA MBASHA BIDHAA 1

FLORA MBASHA BIDHAA 1

FLORA BIDHAA2

FLORA BIDHAA2

Sunday, February 12, 2012

Dk. Mwakyembe atoa ushuhuda kanisani!

 

Naibu Waziri wa Ujenzi, Dk. Harrison Mwakyembe, kwa mara ya kwanza ameonekana hadharani tangu atoke India kwa ajili ya matibabu. Dk. Mwakyembe alionekana jana kwenye Kanisa la Ufufuo na Uzima la jijini Dar es Salaam, linaloongozwa na Askofu Josephat Gwajima, katika ibada maalum ya kumshukuru Mungu kwa muujiza wa kupona ugonjwa uliokuwa unamsumbua na kusema nguvu za mafisadi zimeshindwa kummaliza.

Alisema kuwa hivi sasa anatarajia kuzunguka kwenye makanisa mbalimbali nchini kutangaza shetani alivyopanga kummaliza lakini Mungu akamsaidia.

Nimepanga kuzunguka kwenye makanisa kumzomea shetani kwamba ameshindwa na kuwashukuru watu wa Mungu kwa maombi yao,” alisema.

 

Dk. Mwakyembe alisindikizwa na mbunge wa Same Mashariki, Anne Kilango (CCM), Waziri wa Ushirikiano wa Afrika Mashariki, Samuel Sitta; mbunge wa Kahama James Lembeli (CCM); na Aloyce Kimaro, aliyekuwa mbunge wa Vunjo.

Wabunge hao wote waliongea kuhusu utumishi wao na kuongeza juhudi katika kupambana na kuitetea nchi ya Tanzania pasipo kuogopa.


No comments:

Post a Comment